Нека ви биде Крстот стегнат и светилата – запалени!...

 

Непрестајно внимавај да не згасне во тебе духовниот живот, духовното умување. Размислувај почесто за сето она што го читаш и пееш или слушаш во црквата, или понекогаш дома. Живеј со животот на светиите, со молитвата, со нивниот ум, нивните добродетели: кротоста, смирението, незлобливоста, нештедењето себеси и одрекувањето од себеси, од својот спокој, благосостојба и уживање заради љубовта Божја и ближниот, со трпението, храброста, борбата, нивната вера, надеж и љубов. Нека ви биде крстот стегнат и светилата – запалени! Тогаш и вие ќе личите на оние луѓе што го чекаат својот господар да се врати од свадба (Лука 12, 35-36).

Свети Јован Кронштатски