Тоа е за восхит и за осуда

Тоа е за восхит и за осуда

 Од Светото Писмо научивме за два вида на богатство. На едното треба да му се восхитуваме, а другото да се осудува.

 Богатството на доблести е за восхит, додека материјалните и земните нешта се осудени.  Затоа што едното станува сопственост на душата, додека другото е умно да ги измами сетилата.

 Затоа Господ ни забранува: Не собирајте богатства на земјата, каде што ги јаде молецот и ‘рѓата, и каде што крадците ги поткопуваат и крадат (Матеј 6:19).

 И нè принудува да покажеме подготвеност за богатството на повисоки добра, кои моќта на распаѓањето не ги допира.  А кога вели молци и крадци, мисли на оној што го уништува душевното богатство.

Свети Григориј Ниски