Сите таги, чедо мое, ако ги истрпиме, ќе ја најдеме благодат Божја...

 

Сите таги, чедо мое, ако ги истрпиме, ќе ја најдеме благодат Божја.

Па, кога не грешиш, не лажеш, не критикуваш, не правиш зло врз ближниот, тогаш имаш страв од Бога. Тогаш си мудар и го разбираш Бога, а за да не Го натажиш не греши. И ова е глетката Божја, и севидливиот Бог ве покрива од замките на сатаната. Сите таги, чедо мое, ако ги истрпиме, ќе ја најдеме благодата од Бога. Затоа Господ ни дозволува да бидеме искушувани, да не испитува и да ни плете венци...

Откажете се од сопствената волја, да најдете мир на умот. Зашто волјата на човекот стана бронзен ѕид и го блокира просветлувањето и мирот. Навистина голема е тајната на послушноста! Бидејќи нашиот сладок Исус најпрво ни го трасираше патот и ни стана пример, колку повеќе сме должници да го имитираме Него.

Монахот не го менува местото на живеење, бојата на облеката и особено значењето. Монахот и монахињата заедно го менуваат мислењето и срцето. Тие не размислуваат како секуларни луѓе. Целата сила на душата е молитвата. И како што телото зајакнува со храната и разните зачини што му ги нудиме, така на нашата душа ѝ треба молитва, читање, изговорен збор, да види пример и така малку по малку се буди. Молете се со голема едноставност, за да ја пронајдете чистотата на душа. Едноставноста е голема среќа за душата. Што се однесува до правилата, луѓето ги укинале, но Бог не ги укинал. Остануваат како што ги поставиле Отците и Светите Апостоли. Затоа, да ги чуваме, ако сакаме да ги спасиме нашите души, за да не се соочиме со Бога бранејќи ги законите на Неговите сакани слуги.

Нека твојата уста непрекинато ја кажува молитвата : Господи Исусе Христе, Сине Божји, помилуј ме. Со молитвата ќе ти се исчисти умот и ќе се спушти до срцето и ќе стане пат, спој на умот, зборот и срцето, и тоа ќе стане Рај во тебе. Од моментот кога ќе почнеме да правиме грев, стануваме робови на демоните.

 Бог го направи човекот самодоволен и нè научи да не учествуваме во непристојни дела и да размислуваме сериозно за Неговите Божествени и спасоносни зборови. Не постои друга жртва толку мирисна на Бога како чистотата на телото. Бог не мрази ништо толку многу како незаконската сензуална нечистотија на телото. Во овој живот тоа е борба. Се борите со нечисти духови, кои не ви фрлаат слатки и задоволства, туку остри куршуми кои ја убиваат душата, а не телото.

Свети Јосиф Исихаст