Лошиот јазик е големо зло...

 

Лошиот јазик е големо зло

Лошиот јазик е големо зло. Големо зло е другите да се навалат на тебе, да те осквернат!

Се случува. Одеднаш. Нагло. И понекогаш тоа е праведен Божји суд за нас, а понекогаш не.

Во првиот случај, кога и ние сме биле виновни, кога подлегнавме на лоши постапки и „дејства“, припишувајќи им на другите укор, слични на оние што ни се припишуваат, должни сме да не се врзуваме за тоа колку страдаме, но да се грижиме, и да ги исправаме „работите“, но и да се исправиме. И тогаш ќе престане несреќата врз нас.

Во случај кога не злоупотребуваат со груби зборови, бидејќи не се сеќаваме дека некогаш сме направиле такви грешки на сметка на другите, природно е да се чувствуваме многу лошо.

 Но, дали и тогаш имаме обврска да мислиме дека можеби не сме толку невини како што си замислуваме?

Дали и јас се однесував лошо со другите, без да го сфатам тоа, без да сакам?

Дали ги осудував и критикував другите?

Никогаш не заборавајте:

Со мерката што мериш, ќе ти се мери.

 Врз основа на вашите гревови, ќе ви биде судено.Во исто време, не треба да заборавиме нешто друго:

Секој напад против нас не е само нешто лошо. Тоа е, во исто време, благослов. Тоа ни помага да станеме подобри; да стекнеме понизност. Лошиот јазик, отровниот јазик е „сатански ангел“, како што вели Апостол Павле (2. Кор. 12, 7), кого Бог го испраќа да нè „заплетка“, за да не бидеме измамени. Да ни помогне, да ја ограничи нашата гордост, големата и добра идеја за себе, нашето самозадоволство.

Бог дозволува вакво нешто да не натера да се грижиме за себе. Зошто само кога ќе погледнеме во себе, во нашиот внатрешен свет, во начинот на кој реагираме на вакво нешто, ќе можеме да разбереме што се крие во нас: гнев и бес, или добрина и благост?

Дали на навредите и клеветите одговарате со огорченост и горчина? Очигледно е дека во себе имате бес и гнев.

Дали одговарате со трпение и долготрпеливост? Внатре имате мир и благост.

Затоа, никогаш да не заборавиме:

Пцуењето, клеветата, лошиот јазик ни помагаат да разбереме што имаме внатре; тие ни помагаат да го видиме нашиот внатрешен свет.

Дали имате некои?

Свети Тихон Задонски