Лекција за вистинско покајание...

 

Лекција за вистинско покајание

 Вистинското покајание е длабоко потресување на срцето, тага за Бога и искрена желба за очистување на душата.

 Тоа не е момент, туку животно достигнување што Бог му го дава на грешникот како дар на благодатта, за да Му се врати.

 Гревот, кој се таложи во душата со години, не може да се откупи во еден момент.  Покајанието е долг пат на воздишки на молитва, пост, бдение и солзи.

 Тоа е борба со самиот себе, палење на сламката на гревовите во огнот на Божјата љубов, за душата повторно да стане чиста и достојна за средба со Господа.

 Средбата со Господ е неизбежна - тоа е моментот кога сите наши постапки, зборови и мисли ќе бидат изложени пред светлината на Неговата правда.

 Ако не се подготвиме за тој ден, нашите гревови, како слама, ќе изгорат во таа светлина.

 Но, ако се покаеме, ако се судиме себеси во овој живот, Бог ќе ни прости и ќе нè направи Свои пријатели.

 Секој ден е можност што ни ја дава Господ да ја запалиме сламата на нашите гревови.

 За да биде покајанието реално и вистинито, тоа мора да биде придружено со дела и внатрешни промени.

 Не повикува да се одвоиме од гревот, да се потпреме на милоста Божја и да го најдеме патот на спасението.

 Зашто вистинското покајание не е само моментална тага за сторениот грев, туку влез во нов живот, исполнет со љубов и светлина Божја.

Човекот што ќе му се предаде на гревот ќе изгори со него, но кој ќе се покае ќе стане Божји пријател.