ЗА НЕПРАВДАТА И ТРПЕНИЕТО...

 

ЗА НЕПРАВДАТА И ТРПЕНИЕТО

 Неправдата е често раната која најдлабоко боли.  Но, наместо да дозволиме да не скрши, понекогаш е попаметно да молчиме, да страдаме и да дозволиме Бог да ни биде застапник.

 Неговата правда ја надминува секоја човечка правда, а Тој знае како и кога да ја покаже вистината.

 Во моментите кога се чувствувате неправедно, запомнете дека тишината не е знак на слабост, туку на длабока внатрешна сила.

 Искрената насмевка, без навестување на горчина, може да биде вашиот најдобар штит.

 Таквата насмевка не предизвикува сомнеж, туку влева сигурност и мир.

 Денешниот свет е полн со замки, лажни вредности и искушенија.  Насекаде околу нас се предизвици кои се обидуваат да не оттргнат од патот на правдата, љубовта и понизноста.

 Само побожните, кои цврсто се држат до својата вера и вредности, успеваат да одолеат на тие искушенија.

 Запомнете дека искушенијата ќе се зголемат, но вашата сила лежи во вашата вера и трпеливост.

 Кога животот ви носи тешко време, не реагирајте наеднаш.  Каснете го јазикот, простете им на сите, веднаш и безусловно.

 Не мора да ги сакате сите околу вас, но можете да ги почитувате.

 Посебно почитувајте ги оние кои ви помогнале вам или на вашите најблиски, бидејќи Бог ги испраќа таквите луѓе како подарок.  Ако чувствувате дека се е против вас, не се откажувајте.

 Наместо тоа, верувајте дека времето за правилни одлуки доаѓа во моменти на смиреност.

 Секој си носи свој товар, свои проблеми и свои болки.  Не судете, туку молете се и чекајте.

 Посебно им се обраќам на родителите, а најмногу на татковците.

 Вие сте столбот на семејството, покрај вашата сакана, која е најголемиот столб, но и вашите души, татковци, бараат грижа.

 Одете на Литургија, дури и ако мислите дека тоа е невозможно.  Ако немате кому да ги оставите вашите деца, запомнете дека вашите деца се веќе под Божја заштита.

 Во времето на Литургијата, кога еден член од семејството стои пред Бога, благодатта ги опфаќа и другите членови, дури и да се дома.

 Нема оправдување за пропуштање на средбата со Бога.

 Во овој свет полн со неправда, запомнете дека вашата понизност е вашиот најголем подарок.

 Твојата молитва и твојата вера ќе бидат сведоци на твојата правда.

 Простете, сакајте и верувајте дека Бог сè гледа и сè знае.

 Тој ќе ви даде утеха и сила да одите понатаму, со насмевка која одолева на се.