Тајната на покајанието е голема сила! Јас секаде и сите луѓе ги повикувам: покајте се и исповедајте се, да би сте го лишиле ѓаволот од правата и повеќе да не ги трпите демонските влијанија.
Никогаш немојте да ја запоставувате исповеста.
Таа му овозможува на човекот да се длабоко промени и да ја поништи ѓаволската власт над неговата душа.
Да би сте се здобиле со душевен мир, неопходно е со помош на исповеста да ги исчистиме внатрешните нечистотии.
Човекот се смирува кога своите гревови ги открие на својот духовник и пред нив ја соголи својата душа.
Тогаш се отвараат Небеските порти, и на него изобилно се излева Божјата благодат и тој ја здобива слободата.
Како тешко натоварениот човек не може да скокне ако предходно не го отфрли својот товар, исто така и ние, доколку сакаме духовно да напредуваме, должни сме со помошта на исповеста да го фрлиме својот товар на гревовите.
Бог дури и на демоните ако се покајат би им подарил спасение, без обзир на големата количина на зло кое го направија.
Поради тоа дури и оној кој ги направи и најтешките гревови не треба да паѓа во очајание, туку да се покае.
Ние биваме осудени дури тогаш кога не сакаме да се покаеме и да ги исповедаме своите гревови, и кога доброволно остануваме валкани.
Срцето на непокајаниот човек постанува безчуствително а неговиот ум отупува, зошто тој не бара покајание и не се обидува да се ослободи од оние пеколни маки чиј почеток тој ги преживува уште овде, во земскиот живот, а кои го очекуваат во вечноста.
Свети Пајсиј Светогорец
Comments
Post a Comment
Напиши коментар