Скријте ги вашите духовни богатства

Скријте ги вашите духовни богатства

 Скријте ги вашите духовни богатства, не откривајте ги без причина! 

Погледнете како луѓето го кријат и чуваат во тајност своето материјално богатство и како, кога се принудени да откријат колку имаат, секогаш го кријат најголемиот износ и откриваат само најмалиот.

Малку се оние кои сакаат да откријат се што поседуваат, а уште помалку се оние кои би изјавиле дека имаат повеќе отколку што навистина имаат. Светот ги смета за несериозни и глупави. Ова јасно покажува колку треба да го криете своето духовно богатство, односно доблестите, вашите добри дела, вашите постови, вашите бденија и вашите молитви.

Зошто мудрите луѓе на овој свет не го откриваат своето материјално богатство? Од две причини: прво, за да не слушнат крадците и второ, за да не предизвикаат завист кај лошите луѓе.

Завидливи, љубоморни крадци и разбојници постојат и во однос на духовното богатство. Тие се духови на завист. Откако ќе го откриете вашето духовно богатство, тие ќе се обидат да го намалат и расфрлаат. Во моментот кога ќе го откриеш, без никаква потреба - кажи, од суета, да те пофалат - овие духови го фаќаат и го одвлекуваат, а ти, човеку со духовно богатство, незабележливо и наеднаш ќе станеш сиромашен човек. Многумина кои беа духовно богати, како светиите, се преправаа дека се лудаци пред светот (јуродиви), така што со тоа што се појавија безумни, ја криеја големата мудрост и моќ што ја носеа во себе.

Ава Исаија пишува: „Добрите дела направени во тајност, тие му се поугодни на Бога“. Свети Нил Синајски вели: „Покриената кожа на телото е бела, но непокриената кожа е сува и црна“. Така е и со нашите скриени и откриени добри дела!

Свети Николај Велимировиќ