Господ нè ослободува од бурата на помислите...

 

Господ нè ослободува од бурата на помислите

Кога се чувствуваме оптоварени со тешки мисли, ако сме во состојба да му ги довериме мислите на истомисленик, тогаш и тоа е „исповед“.

Тогаш доаѓа Господ и нè утешува преку овој човек кој се согласува со нас.

Се подразбира дека Господ не утешува во секој момент, дури и кога сме сами, а покрај себе немаме добар христијанин. Но бидејќи многу пати сме збунети и не можеме да го разбереме присуството на Господ, добро е да имаме до нас добар христијанин кој мисли како нас. Господ е кроток и тивок, неговиот глас не е бучен, туку тивок и смирен, а ние, вознемирени, не можеме да го слушнеме.

Меѓутоа, во еден момент имаме една мисла, а во друг момент имаме друга мисла и така натаму. Затоа ретко го слушаме мирниот,тивкиот Божествен глас.

Ако тогаш се трудиме правејќи добри дела, се трудиме да бидеме добри, Господ нè посетува и нè ослободува од тиранијата на тешките мисли. Не ослободува од бурата на мислите. Тогаш ни доаѓаат тивки мисли... Тогаш јасно го слушаме гласот Господов и чувствуваме неопислива радост!

Старец Тадеј Витовнички