Свети Гаврил Грузиски и првомајскиот православен факел

 Свети Гаврил Грузиски и првомајскиот православен факел

На 1 мај 1965 година, големиот син на грузискиот народ и бестрашен исповедник на православната вера - Свети Гаврил Грузиски, запали дванаесетметарски портрет на Ленин, кој висеше на зградата на Врховниот совет во Тбилиси, поради што беше уапсен и мачен.

Следниот настан покажува колку ревносен бил Свети Гаврил за слава Божја. На 1 мај 1965 година, за време на првомајските демонстрации, јеромонахот Гаврил запали огромен портрет на Ленин, за што беше претепан од разбеснета толпа. Полумртов со осумнаесет фрактури, тој беше уапсен за „антисоветски активности“ и однесен во притворен центар на КГБ. За време на испрашувањето, од него беше побарано да признае дека неговото дело е извршено по Овој текст е преземен од блогот Православни Духовни поуки од Светите Старци. Доколку го читате ова на друга веб-страница, станува збор за неовластено копирање на содржината. наредба на највисоките црковни власти; старецот Гаврил одби.

Истражниот оддел на КГБ заклучи дека тој извршил кривично дело според член 71, дел I „за антисоветска пропаганда“. За жал, неговото досие беше уништено на 20 октомври 1978 година. Документ што го потврдува овој настан беше издаден од специјалниот оддел на Петтиот затвор на 14 мај 2001 година.

Отец Гаврило рече за време на истрагата: „Го направив тоа затоа што човекот не треба да биде идолизиран. Таму, на местото на портретот на Ленин, треба да виси Распетието Христово. Зошто пишувате: „Слава на Ленин“, кога на човекот не му треба слава? Треба да напишете: „Слава на Господ Исус Христос“.

По овие зборови, со одлука на Врховниот суд од 3 август 1965 година, тој беше префрлен во психијатриска болница на преглед, каде што остана до 12 октомври истата година. Цитираме извадок од неговата медицинска историја: „Дијагноза: психопатска личност со тенденција да развива шизофрени состојби. Разговара сам со себе, тивко шепоти нешто. Верува во Бога, во Ангелите. Постојано ги повторува зборовите: „Сè е од Бога“. Не се дружи со околината. Кога некој ќе му се обрати, тој зборува за Бога, за Ангелите, за иконите...“

Токму оваа „дијагноза“ го спаси Свети Гаврил од стрелање. Господ го зачува Својот избраник за да не го остави грузискиот народ без лекција. Отец Гавриил без страв го исповедаше Православието.

Тој велеше: „Човек е благословен таму каде што е роден. Кога во ваше присуство ја клеветат вашата вера, а вие молчите - полоши сте од тој богохулник.

Фала му на Бога што сте родени како православен христијанин. Бидете цврсти во вашата вера, не предавајте се на искушенијата и не грижете се дали луѓето од други вери ќе бидат спасени или не. Тоа не е наша работа. Бог е милостив...

Кога е потребно да се брани верата, а вие не го правите тоа, вашата душа загинува; а ако загинете бранејќи ја верата - ќе влезете во Царството Небесно.“

✍️ Подготвено од блогот „Православни Духовни поуки од Светите Старци“