МОЛЕТЕ СЕ ЗА ВАШИОТ РОД...

 

МОЛЕТЕ СЕ ЗА ВАШИОТ РОД

 За наша несреќа, не сите од нас имаат добро духовно педигре.  И тоа може да биде погубно за нашите деца.

 Што да правиме?  Единствен начин да се запре дејството на страшните духовни закони, поради кои страдаме и поради кои ќе страдаат нашите деца и внуци, заразени од нашите страсти, е да се молиме и да се покаеме.  И за гревовите на предците и за нашите.

 Запомнете сите дејства што ги извршуваме, нужно ќе се одразат на нашиот род.  Се сеќавам како еден посетител во Печерската лавра разговараше со еден монах за неговата тешка животна ситуација.

 А монахот одговорил: Ако сега се лизнеш и си дозволиш да се опуштиш и со тоа да го прекршиш Божјиот закон, тогаш запомни – токму истото ќе го повтори твојот  син кога ќе порасне, а потоа и твоите внуци.

 Еден верник, кога доаѓа во Божјиот храм, непрестајно (упорно) се моли: Господи, прости ми ги сите мои беззаконија, прости ми!  И не само молете се, туку и отфрлете го гревот, плашете се од него, подобрете се со пот и труд.

 Така го запираш страшниот духовен замаец, во чии воденички камења може да паднат твоите деца, следејќи ги твоите стапки.  Во спротивно, со душевна болка, како во огледало, ќе ги видите во вашите возрасни деца сите ваши страсти, сето она што го носите во душата.

 Значи, ако не се занимавате со тоа (со страстите) сега, тогаш ќе страдате подоцна, гледајќи ги вашите деца како носат прекумерен товар од гревови и страсти, кои сте им ги оставиле наместо родителски благослови.

 Ако сте овде во Храмот по Божја волја, тоа значи дека сте предодредени да се молите за вашата претходна и следната генерација, да барате да се молите Господа да им ги прости беззаконијата на татковците, мајките, дедовците и бабите и да ги благослови потомците.

 Некогаш само ме боли кога го гледам ова - како еден човек сам во семејството се бори за се и се моли, а околу него е неверничка средина и секој греши на секој начин: едни гатаат, други вршат насилство, други земаат наркотици, а трети се потсмеваат на Бога.

 Во негово време, отец Василиј Јермаков зборуваше за свештеник кој се откажал од Христос по револуцијата.

 По неговото откажување од Христа, во неговото семејство не се родило ниту едно момче.  Господ ја лишил таа генерација од можноста, некој друг во неа некогаш да стане свештеник и да влезе во олтарот.

 Друг пример  пред околу 150 години, еден млад човек ѝ ветил на една сиромашна жена (девојка) дека ќе се ожени со неа, но тој ја изневерил.  Девојката го проколна и се обеси.  И оттогаш ништо добро не се случило во семејството на тој млад човек, кој толку лукаво постапил со љубовна душа.  Сите семејства се распаднаа, само несреќа и несреќа - за 150 години (немаше) ниту едно зачувано семејство.  Неговиот потомок дојде кај мене и ми ја раскажа оваа историја после тоа, како му била откриена по милоста Божја, што се случувало во семејството и зошто.

 Драги мои, ако само ти, по некое Божјо чудо, процветала верата среде твојот род, тогаш знај: имаш тешка улога дел да се молиш за својот род, претходни и идни.  Можете да се молите со свои зборови, само молете се!

 На оние кои ја гледаат и чувствуваат родителската неправда, товарот на родителските гревови, кои се плашат да не го наследат нивните деца, им советувам: молете се, побарајте од Бога спас за вашето семејство.

 Господи, помилуј ме мене, моите деца, моите внуци и целото мое следно поколение.

 Прости, Господи, и помилуј го моето семејство и приведи ги сите мои роднини при Тебе со вера и покајание.  Господи, помилуј ги сите починати роднини на моето семејство, знаејќи ја сечија професија и име, живот и гревови.

 Прости, Господи, и помилуј го целото мое семејство, поранешно претходно, кое згреши пред Тебе, и избриши ги сите негови беззаконија, прости ни ги сите наши гревови, доброволни и неволни, и дарувај ни го Царството Небесно.

  Амин

 протоереј Сергиј Филимонов