Беседа за 1-та недела од Великиот пост - Недела на Православието

 Беседа за 1-та недела од Великиот пост - Недела на Православието

Великиот пост и сите негови служби ги обединува идејата да се подготвиме за Велигден, со чисто срце да се сретнеме со Воскреснатиот Христос.

Зошто се подготвуваме вака? Што е Велигден?

Велигден е вкус на Небесна радост! Каде е радоста? Тоа е да се види Бога и Неговата слава! Црквата ја сака славата Господова! Кога го слави триумфот на Православието, го слави денот на возобновувањето на почитувањето на иконите.

Иконата е потсетник на Христос Богочовекот на земјата. Иконите на Светите се потсетници за сите кои го следеле Христа, кои се верни и посветени на Него, кои гореле од љубов кон Него. Почитување на Светите иконите се почитување на славата Господова: кој се радува на славата Божја и на сè што личи во овој живот, ќе се радува и во следниот век.

Кој во животот се стремел кон Бога, ќе притрча кон Него со радост кога на Страшниот суд ќе го чуе зборот: „Дојдете кај Мене, благословени“.

Сите оние кои не знаат да се радуваат на славата Божја, во која Божествениот свет и неговите закони предизвикуваат незадоволство, кои ја сакаат темнината или самракот, не ја сакаат светлината, нема да одговорат на повикот „дојди кај Мене“. Тие ќе се одвратат во огорченост, незадоволство, завист и гнев кон понизните и кротките кои одат кон светлината, кон Самиот Бог, Кого ќе го обвинат што е во такво расположение; во лутина на себе, со неподготвеност, сепак, да ја признаат својата вина. Ова расположение е вистинско мачење.

Почетокот на пеколот е веќе овде на земјата. Исто така, рајот започнува во душата на човекот веќе во земниот живот. Овде веќе доживуваме допири на Божественото на денот на Светлото Воскресение и кога достојно се причестуваме.

Мора да се подготвиме за исповед. Целата инфекција мора да се отстрани, бидејќи ако се остави некоја честичка, ќе започне супурација.

Мораме да се молиме за покајание и радост на очистувањето, така што зрак светлина ќе ја допре душата и таа ќе се заљуби во светлината. Мораме да се молиме за да го сретнеме Воскреснатиот Христос со чисто срце, за потоа барем во мала мера да ја вкусиме радоста на Царството Небесно. 

Свети Јован Шангајски