Благословен, за Христа сето тоа е направено!...

 

Благословен, за Христа сето тоа е направено!

Кога бев помлад, бев многу скептичен за начинот на кој се славеа Светите Божиќни денови.

И можам да кажам дека со неискуството што ме карактеризираше ги судев овие работи. Јас велам дека овие се световни, не се потребни, затоа што се завршени, ништо не нудат, ја губат смислата на духовното и сите овие работи што често ги слушаме да се кажуваат.

Така, еднаш придружував еден старец од Света Гора затоа што требаше да го посети лекарот. А бидејќи на Света Гора Божиќ се слави подоцна на друг датум поради календарот, имавме среќа да бидеме во Солун во Божиќните денови. Во Солун, како и во другите градови, главните улици Игнација, Цимиски и други се исполнети со илјадници светилки, мали светилки кои ги красат улиците.

Овој подвижник, старецот - среќен што излезе во светот - вечерта додека шеташе го виде целиот тој спектакл со осветлувањето и светлата и светилките и почна да плаче и да му благодари на Христа и да вели : Христе мој, сите овие работи се случуваат заради Тебе!. Додека јас му велев: Отец, сето тоа се световни работи. Дали вака треба да се слави Божиќ?

Тој ми вели: Благословен си, зашто за Христос сето тоа е направено! Да не беше Божиќ, луѓето не би ставиле толку многу светилки на улиците; Откако ќе го облечат градот за Христа, затоа што е Божиќ и затоа што сакаат да слават како знаат и умеат. Затоа ги исполнија местата со светилки и светла и сето тоа се прави за љубов и за слава Христова.

Затоа што не сметаше дека овие се лоши и световни, туку рече дека тоа се прават за слава на нашиот Христос, затоа што е Божиќ! И да не беше Божиќ, сите овие работи немаше да се случат.

Митрополит Лимасолски Атанасиј