Лекарите зборуваат за случаи кога со интервенција на некоја сила се враќа здравјето

 Лекарите зборуваат за случаи кога со интервенција на некоја сила се враќа здравјето. Меѓутоа, постојат многу органски болести кои не можат да се излечат. Науката овде ја признава својата немоќ и молчи. Вистина, црвот на сомнежот ја глода човечката мисла, затоа што ѝ недостига жива, искрена вера. Тогаш се случува чудо што ги надминува сетилата и емпириските податоци и нè принудува да го препознаеме постоењето на невидлив духовен свет, кој на тој начин станува опиплив и реален.

Љубезната мајка на семејството, Марија Р., живее со својот сопруг К., интелигентен и храбар човек кој напорно работи за да заработи леб за децата.

Марија веќе цела година боледува од некоја страшна болест на главата. Дивите болки ја измачуваат до таа мера што нејзините врисоци се слушаат во соседните куќи. Болеста ги зафатила и белите дробови. Науката ги потврди овие факти. Лекарот ја испратил пациентката кај своите колеги во Ираклион (главниот град на Крит), а тие пак ја испратиле во Атинската онколошка клиника . Според прегледот и анализата, немало надеж за заздравување: болеста била премногу напредната. По совет на лекарите, сопругот ја донел сопругата дома и се подготвил за најлошото. Марија се разболе од неподносливи болки.

Вечерта на 18 мај некој тропнал на вратата на Митрополија. Отворив да видам кој пристигна. Марија и нејзиниот сопруг застанаа пред мене. Шокирана ми кажа дека е излечена. Истрча кон мене како никогаш да не била болна. Седејќи и прекрстувајќи се, ми ја раскажа приказната за нејзиното исцелување:

– Сопругот ја напушти куќата за да пазари. Му реков да не се задржува, бидејќи од страшната болка ми се чинеше дека се ближи крајот. Непрекинато се молев на Свети Нектариј Егински, да ме излечи или да ми го одземе животот, оти полудував од болка.

Одеднаш видов некоја сенка како влегува низ вратата. Мислев дека тоа е мојот сопруг. Сенката ми пријде, но не можев да забележам кој е, бидејќи видот ми беше заматен. Тогаш слушнав глас кој ми вели: „Стани, оди во црква и заѕвони. На сите што ќе ве прашаат зошто се го правите тоа одговорете: Свети Нектариј ме исцели.”

Болката наеднаш стивна, почувствував огромен наплив на сила. Без никакви тешкотии станав од креветот, почнав да одам и, како што можете да видите, одам совршено...

Сите отидовме во црквата каде што се наоѓа иконата на Светиот и таму служевме благодарствена служба, славејќи го Господ и Неговиот светител“. 

„Чудата на Свети Нектариј Егински“