Молитви на Свети Јован Златоуст

 Молитви на Свети Јован Златоуст

ДНЕВНИ

I Господи, не лишувај ме од Твоите небесни блага.

 II Господи избави ме од вечните маки. 

III Господи, ако згрешив со ум или со мисла, со збор или со дело, прости ми.

 IV Господи, избави ме од секакво незнаење и заборавност, од малодушност и скаменета бесчувствителност. 

V Господи, избави ме од секакво искушение. 

VI Господи, просветли го срцето мое помрачено од лукави желби. 

VII Господи, јас како човек згрешив, а Ти како милосрден Бог прости ми гледајќи ја мојата душевна слабост. 

VIII Господи, испрати ми ја благодатта Твоја на помош за да го прославам Твоето Свето Име.

 IX Господи, Исусе Христе, запиши ме мене слугата Твој во Книгата на животот, и добар крај подари ми. 

X Господи, Боже мој, иако ништо добро не сторив пред Тебе, дај ми ја благодатта Твоја за да поставам добар почеток

. XI Господи, ороси го срцето мое со Твојата благодатна роса. 

XII Господи на небесата и на земјата, спомни Си за мене - грешниот, бесрамниот и нечист слуга Твој - во Царството Твое. Амин. 

НОЌНИ

I Господи, во покајание прими ме. 

II Господи, не оставај ме. 

III Господи, не воведувај ме во искушение. 

IV Господи, дај ми мисла добра. 

V Господи, дај ми солзи и сеќавање на смртта и умиление. 

VI Господи, дај ми помисла за исповедање на гревовите мои.

 VII Господи, дај ми смирение, целомудрие и послушание. 

VIII Господи, дај ми трпение, великодушност и кроткост. 

IX Господи, всади го во мене коренот на добрината и на стравот Твој во срцето мое. 

X Господи, удостој ме да Те љубам со сета моја душа и мисла, и во сè да ја творам волјата Твоја. 

XI Господи, заштити ме од некои луѓе, и бесови, и страсти, и од секое друго недолично нешто. 

XII Господи, знам дека чиниш како што благоволиш; нека биде волјата Твоја и во мене грешниот, зашто Си благословен навек. Амин.