Рајот е Божја љубов - Свети Исак Сирин
Рајот е Божја љубов - Свети Исак Сирин
Дрвото на животот е љубовта Божја, од која падна Адам и не можеше повеќе да се радува, туку се трудеше и ја излеа својата пот во трнлива земја. Оние кои се лишени од Божјата љубов, т.е. небото, лебот на пот го јадат со својата работа, меѓу трње, макар и да чекорат по правиот пат на доблестите. Тоа е лебот што Бог му дозволил на првороденото да го јаде по неговиот пад. Така, додека не ја најдеме љубовта, нашата работа е во земјата на трње и во нив сееме и жнееме, дури и ако нашето семе е семе на праведноста. Затоа, постојано нè боцкаат трње и колку и да се оправдуваме, живееме во нив со пот на лицето.
Но, кога во нашиот упорен и праведен подвиг ја наоѓаме љубовта Божја, се храниме со небесен леб и се зајакнуваме, без да работиме со вознемиреност и без да се умориме, како луѓе без љубов. Небесниот леб е Христос, Кој слезе кај нас од небото и на светот му дава вечен живот. И овој живот е храна на ангелите.
Кој ја нашол својата љубов, секој ден и час го јаде Христа и од неа станува бесмртен . Зашто „кој јаде – вели – од лебот што ќе му го дадам, никогаш („во век“) нема да умре“(Јн. 6, 58). Толку е блажен оној што јаде од лебот на љубовта, кој е Исус. Дека секако, кој јаде од љубов, го јаде Христос, Богот на сите, сведочи апостол Јован, кога вели дека „Бог е љубов“ (1. Јв. 4, 8). Така, кој живее во љубов, животот го прима од Бога како плод и во овој свет отсега се мириса тој воздух на воскресението, во кое се препуштаат заспаните праведници.
Comments
Post a Comment
Напиши коментар