Богородица нè води кон нашиот Христос

 Богородица нè води кон нашиот Христос

Многу ѝ должиме на нашата Дева Марија, бидејќи таа е нашата духовна Мајка. И сите знаеме каква света личност е мајката во нашите животи. Нашата телесна мајка е света  личност која на сите ни е потребна во животот. А оние кои умираат на 90 и 100 години понекогаш си ја бараат мајката. Дури и ако нивната мајка умрела пред 60 години или дури и ако никогаш не ја запознале!

Човекот толку многу ја чувствува потребата на својата мајка. И ова е дар од Бога. Благослов од Бога да имаат мајка, и сите да имаат мајка. И навистина, кога и оваа мајка е побожна, благословот е поголем. Но, секоја мајка за нас е света личност.
Но, ја имаме и нашата небесна Мајка, нашата духовна Мајка, Дева Марија. Така, дури и кога ќе ја изгубиме оваа наша природна мајка, или дури понекогаш и нашата природна мајка нè разочарала, бидејќи и таа е човек, или нè растажила, ја имаме нашата духовна Мајка, која е голема утеха.

Колку е убаво да се знае дека сите ние имаме небесна, духовна, Света Мајка, на која можеме да се потпреме во секој момент од нашиот живот! И да ѝ ја кажеме нашата болка, да ѝ ја кажеме нашата љубов, нашата помисла, нашата мака, дури и нашиот сомнеж. Што и да имаме да и кажеме на Богородица и да побараме нејзин благослов.

Убаво е христијаните да имаат духовна врска со нашата Дева Марија, а преку нашата Дева Марија со нашиот Христос, затоа што нашата Дева Марија не сака да бидеме поврзани со неа заборавајќи го нејзиниот Син, бидејќи и таа го има Христос како нејзиниот центар е нејзиниот живот. Го има и ќе го има Исус Христос. Центарот на животот на нашата Дева Марија е Христос. Значи, нашата Дева Марија сака и ние што ја сакаме да го сакаме Христос и Христос да биде центар на нашите животи.
Затоа на Света Гора, како што знаете, и секаде каде што има Православни, главната молитва е: „Господи Исусе Христе, Сине Божји, помилуј ме мене грешниот“ и потоа „Пресвета Богородица, спаси нè“, и „Богородице Дево радувај се“.
И така имајќи постојано заедништво со Христа преку желбата на „Господи Исусе Христе...“, ние имаме постојана заедница и со Мајката на нашиот Искупител, Богородица, нашата Дева Марија. И Дева Марија нè води кон нашиот Христос.

Ја видовте иконата Пресвета Богородица која е копија на иконата на манастирот Свети Григориј. Таа го држи Христос во едната рака, а со другата рака покажува кон Христос. Оваа икона што го прикажува Христос се вика Одигитрија. Односно нè води кон Христос.
И ние ја имаме Дева Марија да бараме од неа, кога не ни е добро, да ни помогне во тешките моменти од нашиот живот или да не утеши.  Дали гледаме како Богородица се грижи на овој свет? Ајде да се обидеме да бидеме како неа.



Архимандрит Георгиј Капсанис