Не постои минато што не подготвува иднина...

 

Не постои минато што не подготвува иднина

Сонцето повторно заоѓа да изгрее. Ѕвездите излегуваат наутро од очите на гледачот на земјата, а се појавуваат навечер. Сезоните завршуваат и започнуваат.

Гласовите мртви одекнуваат повторно во ехото. Реките се закопани во морето и повторно излегуваат на изворите. Универзумот на копнената вегетација умира наесен и оживува во пролет. Семето умира во земјата, па така билката и дрвото настануваат. Црвот што ползи умира, а крилестата пеперутка се крева. Животот на птицата е закопан во безживотното јајце и повторно излегува од него.

Не постои минато што не подготвува иднина. Нема крај кој не води до почеток. Секој човечки живот, кога ќе се спушти во својот посебен гроб, таму го остава само својот поранешен телесен лик кој се распаѓа и самиот се издигнува во огромната и невидлива област на животот.

Значи, сакате да знаете што е почетокот и семето на небесното раѓање?

Словото и Духот и Силата на Воскреснатиот Христос, кој е и наше Воскресение и наш живот. Прими го ова Небесно семе на вечниот живот преку вера, засади го во своето срце со љубов, продлабочи го со смирение, стопли го со молитва и Божествени молитви нахрани го и напој го со солзи на покајание и зацврсти го со добродетелни дела.

Ако така живеете и на тој начин умрете, и вие, оставајќи ги своите земни, расипливи облеки во гробот, ќе примите нови на небото, побелени во крвта на Јагнето, а на денот на Неговата венчавка и вам ќе ви бидат дадени.  И ѝ се даде да се облече во чист и светол висон. А висонот е праведноста на Светиите.(Отк. 19,8)

Свети Филарет Московски