.jpg)
Ние мора да ги применуваме Божјите заповеди
Христијанинот мора да ги применува сите Божји заповеди и не треба да прави разлика меѓу мали и големи. Затоа што Христос ни ги даде сите за наше спасение. Да беа некои непотребни, воопшто немаше да ни ги даде.
Ако ни ги даде, тоа значи дека мора да ги примениме сите, без исклучок. И да не речеме „ова или она не е толку важно“.
Не, тоа е грев како другите, бидејќи Христос рекол дека Тој е Вистината, па секоја лага, голема или мала, е забранета за оние кои сакаат да бидат како Него.
Целта поради која Христос дојде на светот е да нè спаси, бидејќи прво ја очисти нашата душа од секаков грев и го отстрани од нас злото што ја јаде душата и ја одзема небесната убавина.
Со Неговите заповеди Бог сака да ја врати нашата душа во нејзината древна состојба, кога била чиста како што излегла од Неговите раце во времето на создавањето.
Кој се обидува да ги примени Христовите заповеди во својот живот, тој вистински го љуби, како што и самиот рекол: „кој ги има Моите заповеди и ги пази, тој Ме љуби Мене“
Ние мора да ги применуваме Божјите заповеди не од страв од пеколот или од очекување каква било награда, туку само од љубов кон Бога.
Ако ги применуваме Господовите заповеди во нашите животи, луѓето ќе ги видат нашите добри дела и нашиот Небесен Отец ќе биде прославен.
Божјите заповеди не се тешки за оние што Го љубат Бога, што самиот Господ го потврди велејќи: „Јаремот мој е лесен, а бремето мое е лесно“.
Кој ќе ја прекрши и најмалата Христова заповед, ќе биде наречен најмал во Царството Небесно.
Божјите заповеди се лекови кои Тој ги дал за да ги лекува страстите на нашите души. И кога го користиме лекот на Господовите заповеди, го враќаме своето духовно здравје.
И ние мора да разбереме дека без делата на заповедта нема духовно чистење во нас.
Ова е вистинскиот пат што го следат сите Свети. Затоа, да не бараме друг начин за приближување до Бога, освен оној што Самиот ни го дал со Своите Божествени и Свети заповеди.
„Бесплатна благодат“ им се дава на борците на законскиот пат на доблеста, односно на оние кои се заморуваат и се борат да ги применуваат Господовите заповеди со трпение и истрајност.
Чистотата на душата и пристапот до Бога бараат духовна работа. На богатиот човек кој прашал како ќе го наследи вечниот живот, Господ му одговорил: „Пази ги заповедите“.
Затоа да го мразиме гревот и во текот на целиот животот да се трудиме да ги спроведуваме Господовите заповеди, бидејќи тоа е нашиот духовен интерес и „клучот“ за Царството Небесно.
Свети Исак Сирин