Блажен и блажен е човекот кој гледа низ облаците и ги шепоти зборовите: Да дојде Царството Твое...

 

Блажен и блажен е човекот кој гледа низ облаците и ги шепоти зборовите: Да дојде Царството Твое...

 Сонцето и ѕвездите се граѓани на Твоето Царство, Татко наш.  Вброј нè во оваа Твоја славна војска!

 Нашата планета е мала, темна, но таа е дело на твоите раце, твојата инспирација, твојата уметност.  Нешто големо и прекрасно би можело само да произлезе од Твоите раце.  Но, со нашата маленкост и незнаење, местото на нашето живеалиште го правиме мало и темно.  А оваа земја е уште помала и помрачна кога ја нарекуваме наше царство, кога глупаво се правиме дека сме нејзини кралеви, нејзини владетели.

 Има многу меѓу нас кои некогаш биле кралеви на земјата.  Сега стојат на урнатините на нивните престоли и прашуваат: „Каде се нашите кралства?“ Има многу царства кои не знаат што станало со нивните суетни и моќни цареви.

 Блажен и блажен е човекот кој гледа низ облаците и ги шепоти зборовите: Твое е Царството!

 Она што го нарекуваме земско царство е полно со црви, расипливо и минливо како меурчиња од река.  Еден куп прашина на крилата на ветрот.  Само Царството Твое е вистинско, само тоа има Цар.  Извади нè од крилјата на ветрот, милостив Господи, спаси нè од крилата на уништувањето!

 Направи нè граѓани на Твоето Небесно Царство!  Да, Господи, направи нè граѓани на Твоето вечно Царство, крај Твоите ѕвезди и сонца, крај Твоите Ангели и Архангели!  Да, блиску до Тебе, Оче наш!

  Свети Николај Велимировиќ