Благословено е Царството на Отецот и Синот и Светиот Дух
Кога ќе започне Литургијата и кога свештеникот ќе изговори Благословено е Царството на Отецот и Синот и Светиот Дух, од тој момент сè се менува.
Додека сме внатре во храмот, земниот храм, зградата, истовремено ни се дава можност да го претвкусиме Царството Небесно. Границите на времето и просторот се шират... Додека сме во многу специфичен простор и време, истовремено сме опкружени со друг простор и со друго време. Тоа е од Царството Небесно.
Ние сме во храмот, газиме на подот, стоиме, но во исто време не сме само таму, ние сме жители на Царството Небесно, влегуваме во Царството Небесно...