Поуки од Свети Јован Златоуст ( 1 дел)...

 

Многумина од нас се нарекуваат грешници и можеби се сметаат себеси за грешници. Но, само трпењето на навреда покажува за какво срце се работи.

Без разлика дали е голем или мал, гревот остава свој белег на нашето лице.

Раѓањето никого нема да направи татко; само добри лекции можат да го направат тоа; носењето во утробата не ја прави мајка, но доброто воспитување ја прави.

Ако татковците темелно би ги воспитале своите деца, не би имало да има судови или казни.

Гревот потекнува од таму дека луѓето сакаат да бидат помудри од Божјите закони.

Без молитва нашиот духовен живот гладува и жедне и умира.

Да се ​​прави зло е полошо од страдањето, или, подобро кажано, да се трпи зло не е зло, а да се прави зло е зло. Трпението на зло води кон Царството Небесно, а правењето зло води до пеколниот оган и казна.

Мажот и жената треба да бидат како раце и очи. Кога боли раката - очите плачат. И кога очите плачат - рацете ги бришат солзите.

Молитвата е големо оружје, богатството  кое е непропадливо, богатството кое  никогаш не се исцрпува, пристаништето е безбедно, молитвата е причина за тишината, коренот и источникот и мајката на безброј добра.

Црквата е ограда: ако си внатре во таа ограда, волкот не може да те стигне; ако излезеш надвор, ѕверот ќе те распарчи.

Христос го заповедал тоа и заради непријателот и заради нас, кои им ги простуваме гревовите, затоа што вие самите, штом престанете да му се лутите на непријателот, добивате повеќе отколку што давате.