Чувај се од секој грев човеку! Да не те убие! Отровот го убива телото, гревот - душата...

 

Се случува човекот сакајќи да го сочува другиот човек, како овој да не бидне повреден, го застанува и му кажува:Не дирај го тоа! Тука е сокриен отровот.

Гледаме многу такви работи во светот.

Божјиот збор не чува од грев и на секој од нас ни кажува: Човеку чувај се од грев! Во гревот е сокриен отровот.

Кога ќе го додирнеш ќе те погуби:Зошто платата за гревот е смрт (Рим.6:23).

 Отровот е во омразата, злопамтењето и во убивањето - чувај се од тоа!

Отровот е во блудот и во секоја нечистотија - чувај се од тоа!

Отровот е во пијанството, во луксузот и сластољубието - чувај се од тоа! Отров е во непријателството и кавгата - чувај се од тоа!

Отров е во крадењето, грабањето, насилството и во секое неправедно дело - чувај се од тоа!

Отров е во празнотијата и мрзливоста - чувај се од тоа! 

Отров е во клетвата, осудувањето, псуењето,гадниот јазик,глупите зборови,богохулењето и во секој некорисен и гнил збор -чувај се од тоа!

Отров е во гордоста, славата, суетата и во  лицемерието - чувај се од тоа!

Отров е во секое дело, збор, помисла и богоспротивна постапка - чувај се од тоа!

Чувај се од секој грев човеку! Да не те убие! Отровот го убива телото, гревот - душата.

Се чуваш од телесната смрт,но пред се си должен да се чуваш од душевната смрт која ја предизвикува гревот.

Почесна и повредна е душата од телото,  мораш неа да ја чуваш.

Чувај се или не се чувај телесната смрт да ја избегнеш неможеш. Таа е неминовна за сите па и за тебе.

Но, ако ја чуваш својата душа од смртоносниот отров на гревот, тогаш засекогаш жив ќе бидеш, зошто со Благодата Божја ќе останеш не во смртта, туку во вечниот живот.

Свети Тихон Задонски